أكرم خاص
الجنس : نقاط : 1533 السٌّمعَة : 11 تاريخ التسجيل : 21/08/2010 الموقع : قلوب العذارى
| موضوع: ميثيولوجيا سورية الجمعة ديسمبر 31, 2010 4:47 pm | |
| ميثولوجيا سورية
* إذا انكسرت كاسة بيقولوا : انكسر الشر
( تقولوا الشر مخلوق من الزجاج )
* إذا مر حدا فوق الطفل ما بقا يطول
* قص الأظافر بالليل مو منيح ( لا تسألو ليش ما بعرف و لا حدا بيعرف بس مو منيح و خلص )
* رش المي فراق
* يلي بيفوت على بيت جديد بيفوت معه عرق أخضر و مقص و مصحف و يدخل بالرجل اليمين ( و اللي بيعمل غير هيك يا ويلو )
* إذا إجت الكندرة فوق الكندرة يعني رايحين مشوار ( و إذا اجت تحتها يعني راجعين من المشوار ؟؟ !!)
* إذا زحف الولد أو زقزقت العصافير معناها جاينا ضيوف
* إذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل ( و إذا طنوا مع بعض معناتها طرشت عليك العوض )
* إذا كان في خناقة بيقولوا اقلبوا الصرامي لتحمى الخناقة
* إذا رفت عيني اليمين بيكون جاينا خبر طريف و إذا رفت عيني الشمال بيكون جاينا خبر مو منيح ( أما إذا رفوا سوى فأنت أكيد أحول )
* إذا حكني حاجبي معناها بدنا نستقبل حدا جاي من السفر
* إذا حكني كفي اليمين معناها بدي أقبض مصاري و إذا حكني كفي اليسار معناها بدي أدفع مصاري * ما بصير الحمام بالليل (طبعا شي بديهي لأن أكيد المي بتكون مقطوعة )
* ما بينفع كب المي بالبلوعة بالليل من غير التسمية بالله و الاستعاذة أولا ( يا لطيف مشان ما يأذونا و لا نأذيهن ) بس عرفتوا مين هدول ؟؟؟؟؟؟؟؟......... و لا أنا !!!! * إذا شفت مقص مفتوح لازم فورا تسكرو ( لأنو المقص الفاتح تمو بيعمل خناق ) * كب القهوة رزقة
* شرب المي بعد القهوة قلة زوء ( حتى لو اتشردقت موت و لا تشرب مي )
* إذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه يعني يمكن خبرتو شي نكتة
* يلي حامل بصبي بتتباشع و إذا حامل ببنت بتحلا
اللي بتضل على حالا هي و حامل رح تجيب سعدان
يعني !!!!
* إذا الطفل قعد بالصينية و هي عالأرض بيرتعبوا لأنه هاد الولد رح يضيع ( و يمكن يتشرد هاد إذا ما طلع حرامي كمان )
* كمان إذا حدا صبلك شاي أو قهوة و ملا الفنجان كتير بيكون قلبو مليان منك و إذا صبها ناقصة هدا دليل على إنو هالشخص ناقص ......... بقى لاقيلا حل إذا بتلاقيلا
* إذا عندك ضيف اتقيل دم و بدك يروح من عندك على السريع
شك دبووس او عدة دبابيس بأيد المقشة أو اقرأ سورة الزلزلة ( بس اكيد في عالم إذا بتقرأ القرأن كله بيضلوا لزقة فلا تحاول )
* إذا خايف من عين تصيبك جيب ورقة و اكتب عليها اسم الشخص إللي خايف من عينو و غزها بالدبوس و إنت عم تقرأ المعوذات و تقول من عين فلان و تنفخ ... و في حل تاني إنك تروح تشيل عيونه و بلا وجعة هالراس
* يلي بيعدّ النجوم بيطلعلو تالولات بإيدو ( بس إذا حسن يعدهم ما بيطلع شي )
* بعد ما نخلص صلاة نطوي السجادة مشان الشيطان ما يصلي عليها ( على أساس هو بيصلي يعني !!! )
| |
|
بنت الخلود التميز
الجنس : نقاط : 1479 السٌّمعَة : 35 تاريخ التسجيل : 21/09/2010 العمر : 42
| موضوع: رد: ميثيولوجيا سورية الثلاثاء يناير 18, 2011 6:40 am | |
| | |
|