قالت من إنت قلت أنا الطيب كله

قالت من إنت قلت أنا الطيب كله
أنا اللي على درب العطا دوم موجود
من قبل قلبي لا تجي تستحله
أعرف مواعيد الوفا وين و الجود
كني مع أيام الزمن فوق تلة
واضح و لا جاني من الناس منقود
يا بنت تفكيرك معي وش حصله ؟
يومك نسيتي بيننا كل العهود
مرات أحس إنك تجيني مطلة
مثل القمر نصف الشهر كان معدود
و مرات أحس إنك غثيثة مملة
ما ودي إنك عايش الحب و تعود
أما أنا عارف شعوري و أدله
و إحساس قلبي كل ما طول يزود
هذا أنا مهما حصل منك زلة
إن غبت أبقى بسماء الطيب موجود

سيد العشاق

قصيدة جدا جدا جدا عجبنني
فيها طرب القوافي
جمال المعاني
و حنكة القصة بحروف من ذهب
أستاذي الغالي
إمام العاشقين
أشكرك على هذا الاختيار الموفق الرااااائع

» قالت