واحد ماشى مع خطيبته و آخر انسجام
فقال لها : عارفة إيه هو الحب و إيه الجواز ؟
قالتلو : لا
قالها : الحب زى النجوم الجميلة اللى في السماء
قالتلو : طب و الجواز ؟
قالها : دي الحفرة اللى بنقع فيها واحنا بنبص على النجوم
واحد متجوز و قاعد في البيت وبيبص كتير في عقد الزواج
مراته قالت له : بتبص في عقد الزواج ليه يا حبيبي ؟
قالها : مش عارف يا حياتي المأذون كتب تاريخ انتهاء العقد فين
----------------------------------
واحد قاعد في أمان الله بيقرا الجرنان
وفجأة جت مراته وضربته بغطا الحلة فوق دماغه .. طرررررخ
الزوج : فيه ايه يا بنت الحلال؟ ليه كدا ؟؟؟
الزوجه : إيه الورقه اللي في جيب بدلتك ومكتوب عليها ' سوسو ' ؟
الزوج : يا بنت الحلال ، ده أسم الحصان اللى بنشجعه في السباق !
الزوجه صدقته وراحت لحالها
بعد أسبوع
الزوج قاعد في أمان الله يقرا الجرنان
وفجأة جت مراته وضربته بغطا الحلة على راسو
الزوج : خير يابنت الحلال في إيه تاني ؟
الزوجه : حصانك على التليفون
----------------------------------
مره واحده بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى بتجيلك ؟
----------------------------------
مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : هتعمل إيه ؟
قاله : هوديها الصين
قاله : يا راجل فى عيد جوازكو العاشر توديها الصين
أمال فى عيد جوازكوا الخمسة وعشرين هتعمل ايه ؟
فقالوا : هروح أخدها
----------------------------------
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة بالشبشب قالها وده ماله
قالتله : أصل ده الى اتجوزها
نقاط
السٌّمعَة
تاريخ التسجيل
الأحد أبريل 25, 2010 4:37 pm
