اسلوب البنات ع الماسنجر

بعد الدراسات التي اكلت روسنا ... وتجربة الحديث مع جميع البنات على الماسنجر ومعرفة اسلوبهن بشكل عام .. تم تقسيم البنات إلى :

العــــاقله!!
لما تفتح ماسنجرها ما تحكي مع واحد.. تنتظر الكل يرحب فيها وهي تبتسم وتقول شكرا..
واذا واحد ارسل الها فايل او رابط اغنية حطتله علامة استفهام وتسكت نص ساعه ما تكلمه.. >,>,> ايش مالها هـاي ؟ هو انا باعث الها صـاروخ من ايران ؟؟
ولما تكون متحمسه بالكلام.. تكتب كل كلمة بسطر وتضغط انتر.. تخاف من الاخطاء الاملائيه.
وضحكتها عبارة عن ابتسامه ومن دون نفس بس مشان تجبر في خاطرك واذا كانت فرحانة تحط 3ابتسامات.



المصلحجيـــــة!!
ماتسلم عليك الا مرة بالشهر.. تدخل عليك فجأه وتحطلك ورده.. مع انها كل يوم متواجده وساكته..
وتحط مشغول او انها مش موجوده.. واذا احتاجت مساعدة تجيك وتسلم عليك وتقول وينك من زمان ماشفتك؟ وانت كل يوم اون لاين ومتواجد وهي شايفتك بس ...
وبس تخلص المصلحه هي ما بتعرفك وانت ما بتعرفها .. ولا تستبعد تعطيك بلوك ؟ خلصت مدة صلاحيتك عندها



الرسميـة!!
ترتب المجموعات الى قسم العائله و قسم الزملاء فقط.. طبعا مافي قسم اصدقاء.. واغلب كلامها مثل.. احترم نفسك.. مو شغلك .. لا تتدخل
رجاءا هاذي امور خاصة .. ولما تسالها شو اخبارك ؟ ترد اني بخير وتسكت.. واذا سلمت عليها ترد وعليكم السلام وتسكت..
بقسم الرأي الاخر.. وتعشق برنامج الاتجاه المعاكس.


المحششه!!
هاذي كل قصصها ضحك.. وكل شويه تكتب نكته .. وضحكتها طويله تقريبا 3 سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص بصفحة وحده.. وتتكلم عن 3 مواضيع بوقت واحد..
وكل شويه تغير الصورة الجانبيه.. واللنك.. ولون الخط
شخصياً انا من هالنـوع محششه ودايما بضحـك بس مرات بتجيني المزاجيه وبقلبـها نكـد


ام بطـــن!!
طباخة ممتازة وتحب تحكي عن الاكل.. ودائما جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تحكي من غير نفس..
ولما ينادوها للعشا تسكر الماسنجر بسرعة البرق يعني اخي المتحدث معها عادي لو سكرت في وجهك لانها مش فاضيه الك في اهم منك .. وعادة يكون لنكها فراولة او شوكولاته أنيقة او رمانه ..
ودائما تتكلم عن تجاربها الفاشلة بالريجيم هع.. مستحيل تشوفها بالنهار لان الجو حار.. اوقاتها من العصر و فوق.


البريئــة!!
عمرها كبير وعقلها صغير.. بعدها طفله وعلى نياتها.. تثق بكل الناس وبسرعة تتأثر.. وكل يوم تسألك كم عمرك؟
تعشق سبيس تون وام بي سي ثري و تحب تتفلسف عن الأزياء والتسريحات.. تتواجد العصر و المغرب لانها جاج زراعي
شعارها الدنيا حلوة.. احيانا تجيك سكتة قلبية من غبائها ومع ذلك هيه الاولى عالمدرسه.. لو قلت الها اسرارك تفضحك بكل المنتديات او بالشات..
تخاف من الأرنب والقطه و أي شي يمشي على اربع ارجل.. حتى انت لو تمشي على اربع تخاف منك .
وينقسم ايضا هذا النوع الى النوع المتدين .. اسمها .. احبك في الله .. وكيف حالك يا اخي في الدين .. وصليت توضيت حجيت ؟



المغروووووره!!

تجي للماسنجر تتموع وتقول اسمي فلانه .. ودائما تنتقد و مايعجبها العجب.. واذا شافتك مشغول تشتمك وتتهاوش معك وتغار عليك وانت ما بتعرفها يمكن
وما بنعطو وجه
تحتار كيف ترضيها..تعطيها اغنية تقولك ما احب الاغاني او ما اسمع اغاني .... تشبه السنفور الغضبان كل شي يضايقها وكل شي يزعلها..
تكره اليسا ونانسي .. ما تعرف تجامل وماتمدح الا نفسها.. دائما توصف نفسها بالجمال والرشاقه وبتلاقيها ما بتسوى شلن ؟ !
تختار اسماء مثل الدلوعة.. الفاتنة.. الماسة.. .. الخ

بس ما تكون نسيت حدا

هههههههههههههههههههه هماموووووو كل البنات بتحبك