كلمات اغنية : اقولك ايه

اقولك ايه عن الشوق يا حبيبى
اقولك ايه ومين غيرك دارى بى
ليالى فى هواك اسهر وافكر
ومهما قلت لك فى القلب اكثر
شويه انى اقولك يا حبيبى
ياريت فيه كلمه اكثر من حبيبى

---

اقولك ايه وايه يوصف هوايا
وانا فى قلبى كلام مالوش نهايه
دى اجمل كلمه فى الدنيا حبيبى
بقولهالك وبردو موش كفايه
مقولش منايا كان حبك
ده اكثر من اللى بتمناه
ومن الفرحه وانا جمبك
بعيش فى كل لحظه حياه
وقلبى نعيمو فى قربك
وانت فرحتو ودنياه
واقولك ايــــه
شويه انى اقولك حبيبى
ياريت فيه كلمه اكثر من حبيبى

---

هواك هو اللى خلى العمر غالى
وبالثانيه احسبو موش بالليالى
وأخاف اسرح تفوتنى لمحه منك
ومن الدنيا اللى اجمل من خيالى
هواك نسى الزمان طبعو
وخذ منا الامان لينا
ودارى عننا دمعو
وخله اللي ما مادرى بينا
ونور للامل شمعو
وطمن بيه ليالينا
أقولك ايه شويه ان اقلولك ياحبيبي
ياريت فيه كلمه اكثر من حبيبى

---

وعودك فى الخيال غاليا عليا
وأجمل من حقيقه بين ايديا
واصدق كل كلمه قلتهالي
واكذب في هواك ظني وعنيه
ياريت فيه كلمه اوصف بيها حبك
واقولهالك مابين قلبى وقلبك
ميقدرش الكلام يوصف غرامى
ولا اشواقى فى بعدك وقربك
واقولك ايه
شويه انى اقولك ياحبيبي
ياريت فيه كلمه اكثر من حبيبي



تاريخ: 1963
كلمات: عبد الفتاح مصطفى
الحان: رياض السنباطي
مقام: بياتي



التبليغ عن خطأ


الصفحة الرئيسية | مواقع فنانين | أضف كلمات أغنية | اتصل بنا

جميع الكلمات في هذا الموقع هي من ممتلكات حقوق التأليف والنشر لأصحابها وهي للمطالعة والقراءة فقط, النسخ والطباعة غير مسموح بها, الكلمات المقدمة للأغراض التعليمية © 2010 خروج