مصطلحات شامية

موضوع: مصطلحات شامية الخميس مايو 06, 2010 6:38 pm

شاضومة : تعبير مؤنث لا مذكر له يفيد كون المرأة غير مرتبة و ليست من الأكابر وتحب الكلام غير المنمق و كثرته
شرنة انظر الشرح في تفسير مصطلح شاضومة ,
ملحو على ديلو : يعني لا يقيم وزناً للعشرة و الخبز و الملح
يلي ببالي بالك كناية عن أمر يتعذر ذكره
معصمص : نحيل بارز العظام
سرِّي مرِّي : أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها ( خدني جيتك ) و ( كيلي ميلي )
( سطِّح ) حط بالخرج : أي لا تعبأ بما يقال .

على قفا مين يشيل : كناية عن كثرة الشيء و شيوعه

فش نيعو : يعني بدي انتقم منه شر انتقام وهي بالحلبي : بفشل حنكو
أزِّت نفسو : أي نفر من الشيء نفوراً كأنه رأى صرصوراً
جفص : صفة للجلف غليظ الروح
( حنتر ) أي ( تيّس ) و ( بوزم ) في الوقت نفسه

طلع من عيونو عامص : يعني دفع ثمناً غالياً وندم على ما نال

كل طلقة براحة : أي يقوم بالشيء رويداً رويداً بين الفينة و الأخرى
يلي بدو يموت يوصِّك بولادو : ذم بصيغة المدح يعني أن المذكور غير أهل لحمل المسؤولية
لا تكرّك عليه : يعني لا تلح عليه إصراراً
قلبو عميقول حق بق : كما أن القاف تقرأ ( ء )
يريد أمراً بشدّة لكنه يضمره إضماراً ولا يظهره إظهاراً
لحم السير عل قبقاب و صاروا المبغضين عل باب : مبينة و ما بدها شرح

يلي بيجي منمدلّو فرشو ويلي ما بيجي منرتاح من وشو مثل نسائي بحت يفيد عدم الترحيب بأشخاص معينين ما عم يجوا أصلاً
شو هالتجرة ؟ : يعني الأفندي ما عجبته هالحكاية كلها و حاسس إنو تعبو راح أو أدراج الرياح
العين الطَّرَّاءة :عبارة عن التمسخر على المتكلم عنه وأنه لا شيء فيه بينحسد عليه
بيقطش و بيلحش : يعني المهذار كثير الهفوات ومن يهرف بما لا يعرف ولسانه يسبق عقله

حقوق الغسيل والنشر لأهل الشام‎ ...... القاموس الدمشقي

إحنا نموت على الحكي السوري و نحبو و نتمنى نعرف نتعلمو
شكرا يزن و عايزين كلام تاني

مشكور أخ يزن على الهضامة كتِّر منها

ههههههههه قريباً بوعدكن إن شاء الله بمصطلحات حلبية

» مصطلحات إنكليزية لا بد من تعلمها