الرومانسية الأردنبة

خلف فجأة : و لك يا قردة شكلك ناسية انو مثل هاظ اليوم قبل سنتين كان اول مرة بشوف سحنتك وبنحب بعض, يعدمني جدوقك شو ناسية؟؟؟!!!

شفيقة: والله جد!! ولك تفو عليك شو بحبك , بعدك متذكر يا مقلعط؟>

خلف : هووووه , هو الي بشوف هالشكل الي بقطع الرزقة بنساه؟

شفيقة: هاهاههاهاهاهاها يلعن ابوك شو حكياتك حلوين وهاظ الي معلقني فيك , تتذكر اول مرة تلقينا ؟

خلف : هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟

شفيقة: ولك الله يقطعك شو رومانسي , كيف هيك تجرأت واتخذت هاي الخطوة الجريئة؟ جد انا بحب الشب المبادر والقلبو قوي

خلف : يالله عاد هسه بدك تكبري راسي وتظلك تمدحي فيي؟ انتي كمان بزقتي علي يومها تتذكري؟ والله ما بنسى بزقتك وهي بتتدلى على وجهي وبتنزل شوي شوي ,, يومها عنجد عرفت انك بتحبيني ..

شفيقة: آه والله يا خلوفتي انا ما بزقت عليك الا لأني بحبك >===========(يضرب الحب شو بذل JJ)

خلف : يا قلبي انتي ....

شفيقة: حياتي انتا...

خلف : طيب تتذكري يوم ما اقترحت علي انو نتباطح والي ببطح الثاني 3 مرات هو الي بنام عالارض والفايز بنام عالتخت يالله يومها شو انبسطت بس صحيت ثاني يوم مكسره عظامي من النومه عالارض

شفيقة: ماهو يا خلف انا بطحتك 5 مرات .

خلف : لا والله بس بطحتيني عالارض 4 مرات ,, آخر وحدة مش محسوبة.

شفيقة: كيف مش محسوبة بطحتك المرة الخامسة لما دعست على رقبتك ناسي؟

خلف : هو هووو علينا خلص مو مشكلة يا ستي بطحتيني خمس مرات ... هسه ما تظيعي علينا الاحتفال بهاي الليلة الي ما بتتعوض .

شفيقة: والله معك حق , خلص شو رأيك انا اليوم رح اخليها ليلة رومانسية بشكل

خلف : شو رح تعملي؟

شفيقة: انت ما عليك بس حظّر الشمع واشعل وسكر الظواو وهسه باجي .

وما ان اشتعل الشمع الا وخرجت شفيقة من المطبخ حاملة صحن كبييييييير مجدرة ,,
فإنغمرت عيون خلف بالدموع فرحا , حمد ربه ووعد شفيقة بأن يبقى مخلصا لها ..
فما كان من شفقية الا ان طلبت منه بوسه ,, فلما لفلها خده عضت أذانه فضحك وضحكت ,,
وبقيوا على الطاولة يأكلون المجدرة لأخر الليل ,, ويقال انهم الى الان بياكلوا بالمجدرة

يا سيدي هذا الحب على طريقة الكونغ فووووووووووووووو

شكراً لك

شكرا للإمام الهائم

هههههههههههه
شو هالرومنسيه يا عمي
ههههههه
بس طالما القلوب صافيه بالحب و الحنان و مخلصة بكل وئام
يا محلاها من رومنسيه
هههههههه
تسلم إيديك عزيزي
أسطول الحرية
موفق

شكرا لمرورك بنت الخلود
أحبب فيغدو الكوخ قصرا نيرا أبغض فيمسي الكون سجنا مظلما

» من هو آدم المثالي في عيون حواء الرومانسية!!!
» اجمل القصائد الرومانسية" لن ابيع العمر"